"Qızıl Alma" Kənd Təsərrüfatı İstehsal-İstehlak Kooperativi, sığortalı və şəffaf mexanizmlə qurulmuş ənənəvi kənd təsərrüfatı sahəsi olan qoyunçuluq investisiya layihəsini təqdim edir və yatırımçıları bu layihəyə yatırım etməyə dəvət edir.

Layihənin adı: Damazlıq qoyunçuluq layihəsi.

Layihənin məqsədi: Damazlıq qoyun və ətlik quzu istehsalıdı.

Layihədə görüləcək işlər haqqında qısa məlumat: Layihənin birinci mərhələsində 500 baş ana qoyunun bəslənməsi və hər doğulda 600-700 baş arası quzu istehsalı nəzərdə tutulub. Heyvanların sağlığını nəzərə almaqla 2 ildə 3 dəfə doğuş etməklə ümumilikdə 1800-2100 baş quzu əldə ediləcək ki, bu da ildə 900-1050 baş quzu istehsalı deməkdir. Süngərləmə üsulu mayalanmanın tətbiq edilməsi ilə ikiüz (ekiz) doğum nisbəti yüksəldiləcək. Elit sürünün qurulması üçün zamanla ikiüz (ekiz) quzulardan damazlıqlar seçiləcək. Satışa çıxarılacaq quzular diri şəkildə satılacaq. İş prosesində ana qoyunların xarici cins qoçlarla cütləşdirilməsi və seçim üsulu ilə yeni cinslər əldə ediləcəkdir. Layihənin ikinci mərlələsində ana qoyun baş sayın 1000 başa, üçüncü mərhələsində 3000 başa çıxarılacaq. İkinci və digər mərhələlərdə qoyunların baş saylarının artırılması həm istehsal edilən quzuların, həm də yeni alınan quzuların hesabına aparılacaqdır. Ümumiyyətlə damazlıq ana qoyun və qoçların alışı sağlamıqları yoxlanıldıqdan, qan analizləri alındıqdan sonra həyata keçiriləcəkdir. Qoyunlar yarı qapalı bəsin sistemi ilə bəslənəcəkdir. Bəslənmə zamanı arpa, buğda kəpəyi, qarğıdalı kəpəyi, yonca, arpa samanı və digər vitaminli-meniral yemlərdən istifadə olunacaqdır. Layihə Kooperativin Yevlax rayonunda yerləşən təsərrüfatında həyata keçirilir.

Layihənin maliyyə hərəkəti haqqında qısa məlumat: Bir ana qoyunun bazarda alış qiyməti 550-600 manat arasında dəyişir. İstehsal olunan quzular 3 ayla 4 ay aralığında satışa çıxarılır. Bir quzu ortalama 280-360 manat arasında satılması praqnoz edilir.

Ləyihənin sığortalanması: Alınacaq bütün qoyun və qoçlar Dövlət Aqrar Sığorta şirkətində tam paket sığortalanacaqdır.

Layihədə cavabdehlik: Qoyunların və qoçların baxımına, yemlənməsinə, mayalanmasına, sağlığına, mühafizəsinə bir başa və rəsmi olaraq kooperativ cavabdehdi. Qoyunların və qoçların yemlənməsi və sağlamlığının keyfiyyətli təmini üçün qardaş Türkiyədən mütəxəssislər dəvət edilmişdir.

Layihəyə yatırım (investitsiya) mexanizmi: Yatırım edən damazlıq qoyunun alışını maliyyələşdirir heyvanlar kooperativ tərəfindən alınır ya da özü heyvanları alıb kooperativə təhvil verir. Hər iki halda Kooperativin mütəxəssisləri qoyunların və qoçların alınması üçün seçilməsində iştirak etdir. Alınacaq qoyunların sağlamlığı kooperativin mütəxəssisləri tərəfindən yoxlanılır. Sağlamlığı uyğun olduqdan sonra heyvanlar alınır ya da təhvil götürülür. Yatırım edən daha ucuza heyvan satılan yeri müəyyən edə bilirsə bu əlavə üstünlük yaradır. Yatırım edən istədiyi vaxt öz yatırımını geri almağa qərar verə bilər.

Layihədə gəlirin pay bölgüsü: İnvestorun yatırdığı maliyyə vəsaitinin əmələ gətirdiyi gəlirin 25 %-i investora divident kimi verilir. Divident, yəni gəlir hər doğuşdan sonra satış həyata keçiriləndən sonra ödəniləckdir. (Misal üçün, yatırım edən 20000 manat vəsait sərf edərək 40 baş qoyun alıb kooperativə təhvil verir. 40 baş qoyun ortalama (2 ildə 3 dəfə bala verməklə) illik 72 baş quzu verir, bu quzular ortalama 300 manatdan satılaraq 21600 manat gəlir gətirilir. Gələn gəlirin 25%-i investora divident olaraq ödənilir. Yəni investor yatırdığı 20000 manat qarşılığında 5400 manat divident qazanır. Qeyd: Bu hesablama nümunə üçündür. Daha dəqiq məlumat almaq üçün əlaqə saxlayın)

Layihəyə qoşulmaq və layihədən çıxmaq mexanizmi: Yatırım edən (investor) Kooperativə ortaq üzv olmaq üçün rəsmi müraciət edir. Yatırım edənlə Kooperativ arasında bütün şərtlərin təsvir edildiyi rəsmi ortaq üzvülük müqavilə imzalanır. Yatırım edən (investor) Kooperativə ortaq üzv kimi qəbul edildikdən sonra etdiyi yatırım (mütləq pay haqqı) rəsmi təhvil təslimlə Kooperativ tərəfindən qəbul edilir. Yatırım edən 3 ay öncədən rəsmi xəbərdarlıq etməklə Kooperativin üzvülüyündən çıxa bilər və yatırdığı yatrımı geri götürə bilər.

Əlaqə üçün: whatsapp: +994102505611, zəng: +994102505611, qizilalma@yaani.com.